濕疹 - PT. 1

其實我一見到濕疹呢兩個字就驚喇... 因為我個囡同囝都有呢個問題....
其實佢哋兩個都有濕疹係主要因為我老公佢細個時有哮喘... 所以我兩個b都會高風險...
而佢哋兩個都中咗...

囡囡就三個月開始起...

最嚴重時傷口仲會出水 :~ 肉痛死我

囝囝就仲早啲... 兩個月就開始起喇..

囡囡細個時我真係乜都試過... 去睇醫生... 又去藥房買藥膏.. 買浴油... 又試過買幾千蚊護膚品.. 我奶奶仲買過幾百蚊嘅一盒好細嘅有機 cream.. 都係唔 work..

- 睇醫生
雖然可以抑制住啲濕疹... 但係醫生俾啲藥有類固醇.. 唔可以長期用

- 藥房藥膏
都係有類固醇.. 所以都係 No...

- 浴油
得少少作用... 幫助不大...

- 幾千蚊護膚品
完全唔 work... 晒錢!

- 有機勁杰cream
OK, 但係成六百幾蚊細細盒.. 好$$....

好好彩自從我囡囡越嚟越大之後... 皮膚係乾咗啲.. 但係已經冇乜濕疹喇
而家就輪到囝囝喇... 我自從有咗囝囝之後就成日研究天然護膚... 因為真係唔想再用 cancer in a jar.. 咁就發現咗有一隻 cream係對濕疹好有用又唔難整又唔貴又全天然 同埋可以自製浴油.. (我覺得仲好過喺藥房買嗰啲...) 等我喺下個 blog分享下..

一個好字

我哋有一個女"悅悅"同埋一個仔"逸逸".. (如果神會俾多個 bb我哋, 應該會叫"時時" XD)

悅悅啱啱8歲

逸逸就啱啱3個月大

講真... 我由細到大都勁鐘意 bb.. 所以從來都肯定自己一定會生 bb.. 但係不嬲都係 plan住生一個 因為我自己本身都係獨生女.. 我又幾 enjoy 獨生女嘅 privilege.. 加上想將所有資源俾晒呀女.. 等佢做我哋嘅小公主 但係當女女越嚟越大個.. 我開始諗.. 如果第日我同老公都唔喺度嘅話.. 而佢又未搵到另外一半... 咁佢想同個 life accompany share下都冇... 就係咁.. 我哋就決定生第二個喇.

其實我哋兩公婆不嬲都係女兒奴... 不嬲都勁錫個女... 所以第二胎其實都好想係女... 點知原來係仔. 講真知道係仔之後我一啲都冇失望, 只不過見到啲女仔衫依然流晒口水... 同埋怕仔仔會好un皮...

都係到咗逸逸出咗世之後我先知原來仔仔都可以咁 sweet~ 逸逸 so far都係乖乖豬.. 其實真係好感恩神賜咗兩個咁乖嘅小朋友俾我哋. 諗深一層其實第日有多個仔錫我, 都會好幸福 同埋我相信神賜俾我哋嘅一定係最啱我哋嘅 :)

A + B = C????

其實 ABC係我, 我老公, 我個女嘅 initial.. 所以我哋一直都係 ABC family.. 直到上年有咗仔仔之後.. 我哋由 ABC family, 變咗 ABCC family. 不過由於 double C都係 letter C, 所以呢個 blog都係叫返 ABC family.

喺幾日前, 逸逸(我哋個細仔)終於都三個月大... 我同佢嘅 schedule已經夾到好多... (雖然兩個禮拜前佢又嚟猛長期/ Growth Spurt), 但係呢幾日佢又變番乖乖豬. 我終於真係有覺好瞓.. Thanks God! 而我終於有精神重新寫 blog喇! 而呢個 blog會係主要關於我哋嘅生活.

希望今次我可以堅持到啦.. 請大家多多指教～