其實佢哋兩個都有濕疹係主要因為我老公佢細個時有哮喘... 所以我兩個b都會高風險...
而佢哋兩個都中咗...
囡囡就三個月開始起...
最嚴重時傷口仲會出水 :~ 肉痛死我
囝囝就仲早啲... 兩個月就開始起喇..
囡囡細個時我真係乜都試過... 去睇醫生... 又去藥房買藥膏.. 買浴油... 又試過買幾千蚊護膚品.. 我奶奶仲買過幾百蚊嘅一盒好細嘅有機 cream.. 都係唔 work..
- 睇醫生
雖然可以抑制住啲濕疹... 但係醫生俾啲藥有類固醇.. 唔可以長期用
- 藥房藥膏
都係有類固醇.. 所以都係 No...
- 浴油
得少少作用... 幫助不大...
- 幾千蚊護膚品
完全唔 work... 晒錢!
- 有機勁杰cream
OK, 但係成六百幾蚊細細盒.. 好$$....
好好彩自從我囡囡越嚟越大之後... 皮膚係乾咗啲.. 但係已經冇乜濕疹喇
而家就輪到囝囝喇... 我自從有咗囝囝之後就成日研究天然護膚... 因為真係唔想再用 cancer in a jar.. 咁就發現咗有一隻 cream係對濕疹好有用又唔難整又唔貴又全天然 同埋可以自製浴油.. (我覺得仲好過喺藥房買嗰啲...) 等我喺下個 blog分享下..
No comments:
Post a Comment